2008-2013李氏力場戰績統計。

Lunyeah Wong : 2008-2013李氏力場戰績統計。對於打工仔而言，戰況簡直係慘不忍睹。
六年來，香港打咗十三個八號波，竟然只有一次既停課又停工﹗
其餘的，大多係放左工先掛八號、早上落波又要返工，或者頂多返少個上晝的情況。可以停足全日工的只有三次，停工率係23%，真係低得可憐。

至於對學生哥而言，扣除本身已經有得放的暑假，六年來十三個八號波入面只係停左四次課。停課率係30.7%。
值得留意嘅係，六年來十三個八號波入面，絕大部份都係黃昏、晚間或凌晨先開始掛，只有08年的鸚鵡係朝早掛並掛足全日(日頭掛八號比率竟然只得7.6%﹗)。

如果統計埋05-07年就仲恐怖。05,06兩年完全冇掛過八號波，至於07年都只係掛過一次咁多，晏晝開始掛，夜晚落波，打工仔可以返少個晏晝。

結論係，近九年來，香港打左十四個八號波，竟然只有一次既停課又停工﹗究竟係巧合定真係有李氏力場，請大家自行判斷。

以上數據來自WIKI，並由史官Lunyeah Wong整理。