http://hkm.appledaily.com/detail.php?guid=18377849&category_guid=4104&category=daily&issue=20130814
【本報訊】特首梁振英周日落區獲黑勢力撐場，組織者甚至自稱「維和部隊」。民主黨創黨主席李柱銘及李鵬飛等政壇元老，對黑幫竟可公開聲稱與政府合作、為警察壓場，感到難以置信及「好得人驚」。李柱銘更擔心梁振英及中聯辦會借黑勢力介入政治，「將香港核心價值完全鏟起」，呼籲港人別再沉默，要起來捍衞核心價值。
梁振英在競選特首時其競選團隊已涉出席「江湖飯局」，當時江湖人稱「高佬和」的屏山鄉委會主席曾樹和亦是座上客之一，而曾在周日組織40多名「村民」到天水圍撐梁振英。李柱銘接受訪問時直言，有黑幫現身撐梁「好得人驚」：「搵金毛（黑勢力）撐場，乜嘢意思呀？（唔通想話）香港警隊能力曳，要黑社會嚟幫手壓場？政府搞乜鬼？」他續指：「冇理由黑社會可以蒲頭，仲同政府合作！訊息好得人驚。」
憂港核心價值被鏟起
李又批評梁振英周日落區的言論十分「唔得體」，身為特首應致力令社會和諧，但梁卻一味搞分化；又認為早前旺角撐警方集會的人士以至周日撐梁「金毛」，都是中聯辦在幕後統籌，「董建華、曾蔭權都冇啲咁嘅嘢，搞到咁，令到前線差人好難做，嗰班擦鞋仔完全係中聯辦搞出來」。他呼籲香港人不要坐以待斃，「我哋珍惜嘅核心價值會俾共產黨全部鏟起，核心價值係阻礙共產黨喺香港嘅話事權，而共產黨唔應該喺香港有話事權，我哋係港人治港。」
縱橫政壇逾30年的李鵬飛亦坦言，過去從未見過有關黑勢力出面撐政府，認為市民有需要深思，為何政府令香港變成如此，「點解會搞到香港變成咁？令我就嚟都唔認得香港嘞」。李鵬飛又質疑，梁振英至今就社團中人打人一事「扮懵」，「呢啲衝突以前唔會發生，佢（梁振英）以為咁樣就係穩中求變，現時穩都唔穩到，點樣求變呀？」
另一邊廂，平機會主席周一嶽昨表示社會越來越多市民以激烈或謾罵方式表達訴求，令他非常關心亦感到傷心，認為對於社會而言是一個危機。
